Nova normativa en materia de Prevención de Riscos Laborais para empregadas do fogar

Recentemente acaba de entrar en vigor unha das normativas máis relevantes para o servizo doméstico en décadas polo cal existen novas obrigas legais relacionadas coa prevención de riscos laborais (PRL).

Se tes unha empregada —a tempo completo, parcial ou por horas— isto interésache. Neste artigo explicámoste todo o que debes facer, como cumprilo paso a paso e que recursos gratuítos tes á túa disposición.

¿Por qué cambia a normativa?

Co Real Decreto 893/2024, a prevención de riscos xa non é algo exclusivo das empresas. Agora, tamén os fogares que teñen empregadas do fogar deben garantir condicións seguras de traballo. Ata agora, o servizo doméstico tiña un réxime máis flexible. Con esta normativa, equipárase ás obrigas doutras actividades laborais. Isto significa que como empregador/a, tes un papel activo e documentado na protección da persoa traballadora.

Principais obrigas que debes cumprir

Imos ao importante: que tes que facer na práctica?

Avaliación de riscos da vivenda

Tes que identificar se existen riscos nas tarefas que realiza a empregada:

Uso de escaleiras
Productos químicos de limpeza
Posturas forzadas
Movemento de pesos
Superficies esvaradizas
Espazos de difícil acceso

Todo esto podese facer de maneira gratuíta na ferramenta oficial da administración: www.prevencion10.es

Adoptar medidas preventivas

Non falamos de grandes obras nin investimentos. Son axustes razoables como:

Substituír produtos corrosivos por outros máis seguros
Garantir boa iluminación
Asegurar que as escaleiras sexan estables
Indicar que pesos non deben levantarse
Organizar mellor os espazos de traballo

Informar e formar á empregada

A empregada debe saber:

Que riscos hai
Como facer cada tarefa con seguridade
Como manipular produtos e equipamentos
Que medidas debe seguir
Que facer se detecta un risco ou sofre un accidente
E que pode parar o traballo se existe un risco grave e inminente

A formación pode ser sinxela e verbal, pero debe quedar documentada.

Elaborar e gardar un documento cos riscos e medidas adoptadas

Este documento debe incluír:

A avaliación de riscos
As medidas preventivas implantadas
A información/formación facilitada

E si, pode ser solicitado nunha inspección.

¿E que obriga ten a empregada?

A normativa tamén fai referencia ás súas responsabilidades:

Cooperar co empregador nas medidas de seguridade
Usar correctamente produtos e equipos
Avisar se detecta un risco
Interromper o traballo se existe un perigo grave

Non se lle esixe contratar formación externa nin elaborar documentos, pero si seguir as pautas de seguridade.

¿Cando hai que cumprir?

Aquí está a clave:

Para novos contratos: é obrigatorio desde o 15 de novembro de 2025.
Para contratos vixentes: recoméndase realizalo canto antes.

Canto máis cedo te adaptes, máis evitas riscos legais.

¿Que pasa se non cumpro?

Infraccións administrativas
Responsabilidade civil en caso de accidente
Problemas a efectos de Seguridade Social
Posibles reclamacións laborais

E o máis importante: Un accidente doméstico pode ter consecuencias graves se non existe unha avaliación de riscos previa.

Ferramentas útiles para cumprir

Plataforma oficial gratuíta: www.prevencion10.es

Nesta web poderás:

Facer a avaliación de riscos
Obter un documento descargable
Consultar información adaptada ao fogar familiar

Recursos de apoio

Modelos sinxelos de comunicación á empregada
Guías de boas prácticas domésticas
Listas de comprobación semanais

Preguntas frecuentes (FAQ)

Teño unha empregada só unhas horas por semana. ¿Tamén aplica a normativa? Si. A obriga existe sempre que exista relación laboral.
¿A avaliación ten que facela un técnico? Non obrigatoriamente. Prevención10 permite facela ti mesmo como empregador.
¿E se a empregada traballa en varias casas? Cada fogar debe facer a súa propia avaliación.
¿Teño que comprar EPIs? Só se a avaliación indica que son necesarios (por exemplo: luvas para produtos irritantes).

Conclusión

Esta normativa é nova, pouco coñecida e afecta a milleiros de fogares. O noso compromiso, como sempre, é mantervos informados con claridade e anticipación.

Se queres: